Aayee mere jeevan mein
Ban kar khushiyan
Masoom,komal, meri bitiya.
Nanhi jaan thi who meri,
Bholi, bhali, kitni pyari.
Mehak utta mera jeevan,
Jhoom utta sara aangan.
Phir na jaane kaise beete din,
Uday hoova phir who din,
Jab meine jaana ki who hooyi sayani,
Gaya bachhpan, aayee jawani.
Bitiya rani hooyi parayi,
Jab ghar se hooyi uski bidayee,
Aangan se utti uski dholi,
Chod gayi who mujhe akeli.
Man tha khush phir bhi dukhi,
Man ne chaaha ki who rahe sukhi.
Kabhi na bheege uski akhiyan.
Uski ho jaaye sari khushiyan.

| Return to Poetry Index |
| Seniors-Site Homepage | E-Mail | Site Master |